Qazaq-qyrǵyz shekarasynda BUU-nyń esirtki qylmysyna qarsy keńsesi ashyldy

NUR-SULTAN. QazAqparat - Qazaq-qyrǵyz shekarasynyń «Qordaı» halyqaralyq ótkizý beketinde BUU-nyń Esirtki men qylmys boıynsha basqarmasynyń (BUU EQB) Ortalyq Azııadaǵy Aımaqtyq ókildigi shekaralyq ózara áreket etý keńsesin ashty. Bul týraly QR UQK Shekara qyzmetiniń baspasóz qyzmetinen málim etti, dep habarlaıdy QazAqparat tilshisi.

Keńseniń ashylý saltanatyna QR UQK Tóraǵasynyń orynbasary - Shekaralyq qyzmet dırektory Darhan Dilmanov, BUU EQB Ortalyq Azııadaǵy Aımaqtyq ókildiginiń ókili Ashıta Mıttal, Qyrǵyz Respýblıkasy Memlekettik shekara qyzmetiniń tóraǵasy Ularbek Sharsheev, Qazaqstan Respýblıkasyndaǵy Japonııa Úkimeti saıası bóliminiń basshysy Hıdeakı ıAmadzýmı men BUU EQB baǵdarlamasynyń halyqaralyq úılestirýshisi ıÝsýf Kýrbonov qatysty.

Shekaralyq ózara áreket etý keńsesinde shekaralyq baqylaý mamandaryn daıarlaıtyn «oqy synyby» bar.

«Qazirgi tańda QR UQK Shekara qyzmetiniń BUU EQB Aımaqtyq ókildigimen ornatqan yntymaqtastyq deńgeıi memlekettik shekarada týyndaǵan máselelerdi tıimdi retteýge múmkindik beredi. Aımaqtyq ókildik osyndaı keńseni TMD-nyń ózge elderine de ashýdy kózdeýde. Keńseniń qajetti baǵdarlamalarmen jáne tehnıkalyq qurylǵylarmen qamtamasyz etilýi, oqý trenıngteriniń uıymdastyrylýy, semınarlar men shekaradaǵy aqparat almasý - shekaradaǵy zańsyz áreketterdiń jolyn ýaqtyly kesýge múmkindik beredi», - delingen habarlamada.