Qazaq-qyrǵyz shekarasynda 60 tonna kontrabandalyq taýar ustaldy
ASTANA. QazAqparat - Qazaq-qyrǵyz shekarasynda ornalasqan «Sypataı batyr» baqylaý-ótkizý beketiniń baqylaýshylary elimizge úlken kólemde halyq tutynatyn taýarlardy zańsyz túrde alyp ótýge tyrysqan Qazaqstannyń 4 azamatyn ustady.
QR UQK Shekara qyzmeti baspasóz qyzmetiniń habarlaýynsha, tórt birdeı «KamAZ» júk kóligine shekaralyq tekserý kezinde shekarashylar 60 tonna júktiń jalǵan qujatpen ótkeli turǵandyǵyn anyqtady. Júktiń jalpy baǵasy 9 646 000 teńge bolyp shyqty. Negizinen aıaqkıimder.
Atalǵan derek boıynsha materıaldar Jambyl oblystyq memlekettik kiris departamentiniń eknomıkalyq tergeýler qyzmetine berildi.
