Qazaq-qyrǵyz shekarasynda 20 kelige jýyq geroın tárkilendi

ASTANA. QazAqparat - Elimizdiń ońtústigindegi qazaq-qyrǵyz shekarasynda ornalasqan «Qarasý-avto» baqylaý-ótkizý beketiniń shekarashylary shekara arqyly esirtki zattaryn ótkizýge tyrysqan 1981 jyly týylǵan Beısenbaev O. esimdi qyrǵyzstandyq azamatty ustady, dep habarlady QR UQK Shekara qyzmetinen.

Atalǵan azamattyń «Mersedes» avtokóligine shekaralyq baqylaý ótkizý kezinde qyzmettik ıt baktyń mańaıyn ıiskelep turyp aldy. Al shekarashylar arnaıy quraldyń kómegimen baktyń ishin qaraǵanda onyń ishinde jatqan 20 shaqty túıinshekti baıqady. Onyń salmaǵy 19 kg 695 gr. bolyp shyqty. Ózindik ıisi - esirtkige uqsaıdy. Saraptamashylar sol jerde saraptama ótkizip, túıinshekterdiń barlyǵynyń geroın ekendigin dáleldep berdi.
Atalǵan oqıǵa boıynsha materıaldar Jambyl oblysy Qordaı aýdandyq ishki ister bólimine berildi.