Qazaq-qyrǵyz shekarasynan ótý múmkindikteri artpaq
ASTANA. QazAqparat - Qazaqstannyń Qyrǵyz Respýblıkasyndaǵy Tótenshe jáne Ókiletti Elshisi Kárim Kókirekbaev Qyrǵyzstan Memlekettik shekara qyzmetiniń tóraǵasy Ýlarbek Sharsheevpen kezdesti, dep habarlaıdy QazAqparat.
Qazaqstan Elshiliginiń málimetinshe, kezdesý barysynda taraptar Qyrǵyz Respýblıkasynyń Prezıdenti Sooronbaı Jeenbekovtiń 2017 jyldyń 25-26 jeltoqsanynda Astanaǵa sapary barysynda qol jetkizilgen ýaǵdalastyqtardy oryndaý aıasynda eki el shekarasyn qorǵaý jáne shekara ınfraqurylymyn jaqsartý salasyndaǵy yntymaqtastyq máselelerin talqylady.
«Sartóbe», «Aýqatty» ótkizý pýnktteriniń jumysyn jetildirý, «Qarasý» ótkizý-baqylaý pýnkti kópirin jańǵyrtý, jazǵy týrıstik maýsymda shekara ótkelderiniń ótkizý qabiletin arttyrý máselelerine aıryqsha nazar aýdaryldy. Memlekettik shekaranyń qazaqstandyq-qyrǵyzstandyq ýchaskesindegi ótkizý pýnkterimen tanysý týraly kelisimge qol jetkizildi», - delingen Qazaqstan Elshiligi taratqan habarlamada.
Kezdesý sońynda taraptar munan ary da jemisti yntymaqtastyqty jalǵastyrýǵa nıetti ekendikterin atap aıtty.
