Qazaq-qyrǵyz shekarasynan ótken 4 jolaýshydan koronavırýs tabyldy
JAMBYL OBLYSY. QazAqparat - Shetelden keletin jolaýshylar koronavırýs ınfektsııasyn juqtyryp ákelip, halyqqa taratpas úshin memlekettik shekarada ótkizý beketteri jumys isteıdi, dep habarlaıdy QazAqparat
Máselen, Jambyl oblysynda Qyrǵyzstanmen shekarada 4 pýnkt bar, olar - Aýqatty, Qarasý, Sypataı batyr jáne Aısha bıbi.
10-16 jeltoqsan aralyǵynda memlekettik shekarany 1 118 jaıaý júrginshi men 4 188 avtomobıl kesip ótti. Onyń ishinde 725 QR azamaty koronavırýsqa PTR test tapsyrdy.
Arasyndaǵy 4 adamnyń aýrý juqtyrǵany anyqtaldy.
Naýqastar ambýlatorııalyq emdelýge oqshaýlandy jáne epıdemııaǵa qarsy is-sharalar júrgizildi.
100 adam karantınge jiberildi.
PTR testileýdiń teris nátıjesi bar anyqtamanyń bolmaýyna baılanysty 103 adam QR aýmaǵyna kirgizilmedi.
Ár ótkizý pýnktinde sanıtarlyq qyzmettiń eki mamany táýliktik kezekshilik etedi. Olar termometrııa jasap, Qazaqstan jáne shetel azamattaryna saýalnama júrgizedi.
Bul rette anyqtama tek akkredıttelgen zerthanalardan ǵana qabyldanady.
Anyqtamanyń túpnusqasy QR-kodty skanerleý arqyly tekseriledi.
Barlyq mamandar jeke qorǵanys quraldarymen qamtamasyz etilgen.
