Qazaq-qyrǵyz shekarasynan bir úıir jylqyny ótkizbek bolǵandardyń joly kesildi
ASTANA. QazAqparat - Búgin túnde qazaqstandyq shekarashylar qazaq-qyrǵyz shekarasy arqyly 30 bas jylqyny ótkizbek bolǵandardyń jolyn kesti.
«Shekara qyzmetiniń «Ońtústik» óńirlik basqarmasynyń «Qordaı» shekara otrıadyna qarasty «Jasyl tóbe» zastavasynyń narıady memlekettik shekaradan 20 metr qashyqtyqta Qyrǵyzstan jaǵynan beri qaraı ótip kele jatqan 30 bas jylqyny ustady», dep habarlady QR UQK ShQ baspasóz qyzmetinen.
Al shekara narıadynyń kele jatqanyn baıqap qalǵan belgisiz eki adam shekaranyń arǵy betine, ıaǵnı kórshiles eldiń aýmaǵyna qaraı qashyp jasyrynyp qalǵan.
Ustalǵan jylqylar zastava aýmaǵyna ákelindi. Atalǵan derek boıynsha tergeý amaldary júrgizilýde.
