Qazaq-qyrǵyz shekarasynan 600 kg qus eti tárkilendi
ASTANA. QazAqparat - Qazaq-qyrǵyz shekarasynda 600 kılodaı qus etin zańsyz ótkizbek bolǵandardyń joly bolmady, dep habarlaıdy QR UQK Shekara qyzmetiniń baspasóz qyzmetinen.
«Grodekovo» zastavasynyń narıady (Jambyl oblysy) 58 korobkaǵa salynǵan, jalpy salmaǵy 600 kılogramm bolatyn kontrabandalyq júk - qus etin (jon eti) tıep jatqan 32 jastaǵy Qazaqstan Respýblıkasynyń azamatyn ustady.
Qashyp ketpekshi bolǵan quqyqbuzýshyny toqtatý maqsatynda shekarashylardyń aspanǵa 2 ret eskertý oǵyn atýlaryna týra keldi.
Qarý qoldanýdan eshkim zardap shekken joq. Ustalǵandar men olardyń júkteri zastavaǵa jetkizildi. Qazirgi ýaqytta tekserý amaldary júrgizilýde.
