Qazaq-qyrǵyz shekarasynan 25 kg geroın tárkilendi
ASTANA. QazAqparat - Qazaq-qyrǵyz shekarasynan 25 kılogramm geroın men 3 kılogramm gashısh tárkilendi, dep habarlaıdy QR UQK ShQ baspasóz qyzmetinen.
«Qazaq-qyrǵyz shekarasyndaǵy «Qarasý» ótkizý baqylaý beketinde qazaqstandyq shekarashylar keden qyzmetkerlerimen birlese otyryp 52 jastaǵy Reseı Federatsııasynyń azamaty júrgizip kele jatqan «Shevrolet - Nıva» avtokóligin ustady.
Sebebi, atalǵan mashınany ınspektsııalyq-jete tekserý kezinde, janarmaı júıesi retinde qoldanylatyn gaz balonynyń ishinen esirtkilik zat - geroın shyqty. Jalpy sany 28 túıinshekti tarazyǵa tartyp jibergende 25 kılogramǵa jýyqtady. Odan ári teksergende tsılındrli formadaǵy paket tabylyp, odan 3 kılogramm bolatyn túr-túsi «gashıshke» uqsaıtyn zat shyǵa keldi», - dep jazylǵan habarlamada.
Qazirgi ýaqytta atalǵan is boıynsha tergeý amaldary júrgizilýde.
