Qazaq-qyrǵyz shekarasynan 220 smartfondy zańsyz ótkizbek bolǵan azamat ustaldy

QORDAI. QazAqparat - Shekara beketindegi tekserý kezinde Qyrǵyzstannan Qazaqstanǵa kele jatqan azamattyń kóliginen qujatsyz smartfondar tabyldy, dep habarlaıdy QazAqparat.

7 mamyrda UQK shekara qyzmeti Jambyl oblysy boıynsha departamenti «Qordaı» ótkizý pýnktinde Qazaqstanǵa kele jatqan QR azamaty tizgindegen jolaýshylar mıkroavtobýsyn toqtatty.

Avtokólikti tekserý barysynda qupııa orynda jasyrylǵan ilespe qujattary joq 220 smartfon tabyldy.

Aldyn ala málimet boıynsha tárkilegen mobıldik qurylǵylardyń baǵasy - 50 mln teńge shamasynda.

Ustalǵan QR azamaty men tárkilengen júk protsessýaldyq sheshim qabyldaý úshin aımaqtyq memlekettik kirister departamentine berildi.