Qazaq-qyrǵyz shekarasynan 2 tonna qus eti men 8 bas jylqyny alyp ótpek bolǵandar ustaldy
ALMATY. QazAqparat - Qazaq-qyrǵyz shekarasynan 2 tonna qus eti men 8 bas jylqyny alyp ótpek bolǵandar ustaldy. Bul týraly QR UQK Shekara qyzmetiniń baspasóz qyzmetinen habarlaıdy.
Kontrabandalyq áreketti Taraz shekara otrıadyna qarasty «Jasórken» zastavasynyń shekarashylary anyqtady. Jalpaqtal aýylynyń mańaıynda «GAZ» markaly avtokólikten 2 tonna qus eti tabyldy. Teksere kele, shekarashylar tıelgen júktiń zańdy qujaty joq ekenin anyqtady. «Saqshylar shekara buzýshylardyń sońyna saırap jatqan at izderi boıynsha tústi. ıAǵnı, kólikke deıin júkti attardyń kómegimen jetkizgendikteri baıqalyp turdy. Júk artqan jerde orama qaǵazdar men skotchtyń tabylýy kúdikti ulǵaıta tústi», - dep málim etti baspasóz qyzmetinen. Sondaı-aq Qordaı shekara otrıadyna qarasty Sortóbe zastavasynyń shekarashylary qyrǵyz jerinen elimizge zańsyz 8 bas jylqyny ótkizbek bolǵandardy ustady. Saqshylardy baıqap qalǵan belgisiz eki adam kórshiles memlekettiń aýmaǵyna qaraı qashyp, boı tasalaǵan edi. Al Oral shekara otrıadyna qarasty «Aqsaı avto» ótkizý-baqylaý beketiniń baqylaýshylary 8 tonna temir kesekterin qujatsyz ótkizýge tyrysqan 43 jastaǵy qazaqstandyqty ustady. Zańsyz júkti «KAMAZ» kóligimen kórshiles Reseı aýmaǵyna ótkizýge tyrysqan jerlesimiz eshqaıda ketpeý týraly qolhatpen bosatyldy, al júk tıelgen kólik Bórili aýdandyq ІІB jiberiletin boldy.
Atalǵan derekter boıynsha quqyq qorǵaý organdary habarlandyryldy. Qazir tergeý amaldary júrgizilýde.
