Qazaq-qyrǵyz shekarasynan 1,5 tonna kontrabandalyq jaǵarmaı alyp ótpek bolǵan

ASTANA. QazAqparat - Shekarashylar Qyrǵyz-Qazaqstan shekarasynda 1,5 tonna kontrabandalyq jolmen tasymaldanǵan janar-jaǵarmaıdyń jolyn kesti, dep habarlaıdy Kabar Qyrǵyzstan shekara qyzmetiniń baspasóz qyzmetine silteme jasap.

Atalyp ótilgendeı, 2018 jyly 9 mamyrda «Chon-Kapka-avtodorojnyı» baqylaý-ótkizý beketinde shekarashylar ilespe qujaty joq janar-jaǵarmaıdy ustady.

«1982 jylǵy Qyrǵyzstan azamaty Qazaqstannan Qyrǵyzstanǵa «Ford Transit» markaly avtobýsqa ornalastyrylǵan qosymsha baktar arqyly ilespe qujaty joq 1500 lıtr jaǵarmaı (solıarka) alyp ótpek bolǵan», - delingen habarlamada.

Ustalýshy men janar-jaǵarmaı Qyrǵyzstannyń qarjy polıtsııasy aımaqtyq bóliminiń qyzmetkerlerine berildi.