Qazaq-qyrǵyz qatynasyn damytýǵa Elbasy baǵa jetpes úles qosty – Qasym-Jomart Toqaev

NUR-SULTAN. QazAqparat – Búgin Bishkektegi sapary barysynda QR Prezıdenti Qasym-Jomart Toqaev qazaq-qyrǵyz qatynasyn damytýdaǵy Elbasy Nursultan Nazarbaevtyń mańyzdy ról atqaratyndyǵyn atap ótti, dep habarlaıdy QazAqparat tilshisi.

«Eki el arasyndaǵy qatynastardy qalyptastyrýǵa jáne damytýǵa Qazaqstannyń Tuńǵysh Prezıdenti-Elbasy Nursultan Ábishuly Nazarbaev baǵa jetpes úles qosty. Búgingi sapar barasynda Elbasynyń jyly lebizin Qyrǵyzstan Prezıdentine jetkizdim. Biz Sizdiń (Sooronbaı Jeenbekovtiń) qazaq-qyrǵyz ózara is-qıymyly men yntymaqtastyǵyn ilgeriletýge jáne damytýǵa qosqan úlesińizdi joǵary baǵalaımyz», - dedi Qasym-Jomart Toqaev Joǵary memleketaralyq keńestiń besinshi otyrysynda.

Memleket basshysy búgingi otyrystyń kún tártibi aýqymdy ekenin jáne ekijaqty yntymaqtastyqtyń mańyzdy salalaryn qamtyp otyrǵanyn atap ótti.

«Negizinen, shaǵyn quramdaǵy kezdesýde eń ózekti máselelerdi talqyladyq», - dedi Qasym-Jomart Toqaev.