Qazaq-qyrǵyz eksporttyq-ımporttyq operatsııalaryna arnalǵan logıstıkalyq ortalyq qurylýy múmkin

BІShKEK. QazAqparat – Eksporttyq-ımporttyq operatsııalardy yntylandyrý úshin taýarlardy rásimdeý boıynsha logıstıkalyq ortalyq qurylýy múmkin. Bul másele QR Prezıdenti Qasym-Jomart Toqaev pen Qyrǵyzstan Prezıdenti Sooronbaı Jeenbekovtiń kezdesýi barysynda kóterildi, dep habarlaıdy QazAqparat tilshisi.

Memleket basshysy shekaralas óńirlerdegi baılanystardy nyǵaıtý úshin eki el azamattary men taýarlarynyń tasymalyn jaqsartýǵa qatysty tıisti sharalar qabyldanyp jatqandyǵyn atap ótti.

«Eksporttyq-ımporttyq operatsııalardy qoldaý ári yntylandyrý úshin Qazaqstan tarapy taýarlardy rásimdeý men óńdeý boıynsha logıstıkalyq ortalyq qurýdy usyndy. Jobany júzege asyrý ákimshilik rásimderdi jáne eki el aýmaǵynda taýarlardyń qozǵalysyn aıtarlyqtaı jeńildetedi», - dep túsindirdi Qasym-Jomart Toqaev.

Budan bólek Memleket basshysy Ortalyq Azııadaǵy transshekaralyq ózenderdiń sý resýrstary ortaq qundylyq ekenin atap ótti. Ózenderdi tıimdi paıdalaný ondaǵan mıllıon adamnyń taǵdyryna, sondaı-aq barsha óńirdegi turaqtylyqqa qatysty. Búginde eki el arasynda sý-sharýashylyq memleketaralyq nysandardy paıdalaný boıynsha birlesken komıssııa jumys istep keledi.