Qazaq qurylys jáne sáýlet ǵylymı-zertteý ınstıtýtynan 900 mln óndirildi
ALMATY. KAZINFORM – Almaty qalasynyń prokýratýrasy «Qazaq qurylys jáne sáýlet ǵylymı-zertteý ınstıtýty» AQ qyzmetinde qarjylyq buzýshylyqtar anyqtaǵanyn habarlady.
Prokýratýra málimetinshe, pasportızatsııalaý jumystaryn júrgizý barysynda memleketke qarjylaı zalal keltirilgen. Quqyq qorǵaý organy talaby boıynsha sot tártibimen memleket kirisine 894 177 000 teńge mólsherinde bereshek, sondaı-aq 26 825 310 teńge kóleminde memlekettik baj óndirildi.
- Almaty qalasynyń azamattyq ister jónindegi sot alqasynyń qaýlysymen birinshi satydaǵy sot sheshimi ózgerissiz qaldyrylyp, zańdy kúshine endi. Atalǵan baǵyttaǵy jumys jalǵasýda jáne prokýratýra organdarynyń baqylaýynda, - dep habarlady Almaty qalasynyń prokýratýrasy.
Eske salaıyq, prokýratýra stalkıng boıynsha jazanyń bultartpastyǵy týraly eskertti.
