Qazaq kúresinen Qyzylorda oblysynyń jastar arasyndaǵy aǵa jattyqtyrýshysy taǵaıyndaldy

QYZYLORDA. KAZINFORM – Qyzylorda oblystyq dene shynyqtyrý, sport jáne týrızm basqarmasynyń basshysy Baqtııar Artaevtyń buıryǵymen Nurym Sálimgereev qazaq kúresinen Qyzylorda oblysynyń jastar arasyndaǵy aǵa jattyqtyrýshysy bolyp taǵaıyndaldy. Bul týraly basqarmanyń baspasóz qyzmeti habarlady. 

Nurym Sálimgereıuly – qazaq kúresinen halyqaralyq dárejedegi sport sheberi. Qazaq kúresinen álem kýbogynyń ıegeri, «Eýrazııa barysy» jáne 5 dúrkin «Syr barysy» ataǵyna ıe bolǵan. Buǵan deıin basqarmaǵa qarasty tennıs sport mektebi dırektorynyń orynbasary qyzmetin atqarǵan. 

– Nurym budan bylaı jastar arasynda qazaq kúresin damytýǵa jáne sportshylardyń turaqty túrde halyqaralyq jáne respýblıkalyq dodalarǵa qatysýyna, sondaı-aq sportshylardyń jalpy nátıjesine jaýapty bolady, - delingen habarlamada. 

Eske salsaq, budan buryn Serik Sápıevtiń Týrızm jáne sport mınıstriniń shtattan tys keńesshisi bolyp taǵaıyndalǵanyn habarlaǵan edik.