Qazaq kúresinen Qazaqstan chempıonatynda túrkistandyq jas balýandar úzdik shyqty
ORAL. KAZINFORM — Oral qalasyndaǵy «Jaıyq arena» sport kesheninde qazaq kúresinen jastar arasynda Qazaqstan chempıonaty máresine jetti.
Jarystyń sońǵy kúni úsh salmaq dárejesi jáne «Túıe balýan» sanaty boıynsha jeńimpaz-júldegerler anyqtaldy.
Batysqazaqstandyq Aıbatyr Mırazat 55 kelige deıingi salmaqta fınalda qosymsha ýaqytta astanalyq Dıas Dáýletke ese jiberdi.
Qaraǵandylyqtar Nurolla Hamıt pen Erjan Musaǵa qola buıyrdy.
Al 60 kelige deıingi salmaqta túrkistandyq Rýzımon Týgýshev qarsylas shaq keltirmese, aqtóbelik Arsen Soshnın kúmisti, Almaty oblysynyń ókili Ádiljan Toıjan men astanalyq Jalǵas Beskempir qolany qanaǵat tutty.
66 kelige deıingi salmaqta astanalyq Nurdáýlet Aldabergen úzdik shyqsa, jambyldyq Bekasyl Jańabaı ekinshi, Almaty qalasynan Sáken Májıt pen Janasyl Dinmuhanbetuly úshinshi orynǵa kóterildi.
Túrkistandyq Sardar Abdısamıtuly «Túıe balýan» atansa, aqtóbelik Ámirbek Rahımov kúmis, atyraýlyq Dýman Maratov pen shymkenttik Nurbolat Jambyl qola medalǵa ıe boldy.
Jalpykomandalyq esepte Túrkistan oblysynyń ókilderi 6 altyn, 1 kúmis, 4 qolamen kósh bastasa, abaılyqtar (4 altyn, 4 kúmis) ekinshi oryn aldy. Astana qalasynyń balýandary (3 altyn, 2 kúmis, 2 qola) úzdik úshtikti túıindedi.
Eske sala keteıik, budan buryn qazaq kúresinen Qazaqstan chempıonatynda 470-ke jýyq balýan baq synap jatqanyn jazǵan bolatynbyz.