Qazaq kúresinen Eýropa chempıonatynyń jeńimpazdary anyqtaldy
ASTANA. KAZINFORM – Ázirbaıjannyń Baký qalasynda qazaq kúresinen eresekter arasynda 6-shy Eýropa chempıonaty máresine jetti.QR Sport komıteti málim etkendeı, «Birikken Kúres álemi» (UWW) aıasyndaǵy birinshilikte erler (8 salmaq) men áıelder (8 salmaq) 16 salmaq dárejesinde kil myqtylardy anyqtady.
Aıta keteıik, "Eýropa chempıonatynyń demeýshisi – Sport Qory cportty qoldaý qory." atap ótkendeı álemniń 5 qurlyǵyndaǵy 40-tan astam memleketinde tól kúresimizden federatsııalar ashylǵan bolatyn. Búginge deıin qazaq kúresinen 10 álem chempıonaty, 12 Azııa chempıonaty, 6 Álem kýbogi jáne 5 Eýropa chempıonaty ótip, tól kúresimiz qarqyndy damyp kele jatyr. Budan bólek Iran men Brazılııada kadetter men jastar arasynda álem chempıonattary, Ońtústik Afrıkada 2 Afrıka birinshiligi, Brazılııada Ońtústik Amerıka chempıonaty uıymdastyryldy. Al Qazaq Kuresi Assotsıatsııasynyń Ázirbaıjanda uıymdastyrǵan bul jolǵy alaman jarysqa qatysýǵa nıet bildirgen elderdiń de sany az bolmady.
Atalǵan birinshilikke álemniń 15-ke jýyq eliniń sportshylary qatysty.
Jarys jeńimpazdary.
Erler:
55 keli – Nika Bachiashvili GEO
60 keli – Eyvaz Bakhshiyev AZE
66 keli – Mirfattah Seydaliyev AZE
74 keli – Hajali Gasimov AZE
82 keli – Adil Adilzade AZE
90 keli – Jeyhun Huseynov AZE
100 keli – Zurab Chagelishvili GEO
+100 keli – Mahammad Mammedzada AZE
Áıelder:
48 keli – Nino Iashvili GEO
52 keli – Anano Morgoshia GEO
56 keli – Mariam Mazanashvili GEO
60 keli – Mari Makharashvili GEO
65 keli – Diana Shoranova AZE
70 keli – Ana Chkhaidze GEO
77 keli – Shahana Almammadova AZE
+77 keli – Elene Kebadze GEO
Jarys qorytyndysyna sáıkes, І orynǵa 1 000, ІІ orynǵa 500, al ІІІ orynǵa 250 AQSh dollary kóleminde aqshalaı syılyq tabystaldy.
Chempıonattyń bas tóreshisi, halyqaralyq dárejedegi maman Sergeı Thaktyń aıtýynsha, búgingi tańda qazaq kúresi órkendep, kúlli álemde keńinen nasıhattalýynyń nátıjesinde ony jandaryna serik etkenderdiń qatary qalyńdaı túsken.
Esterińizge sala keteıik, "Eýropa chempıonatynyń demeýshisi – Sport Qory cportty qoldaý qory."
