Qazaq kúresinen eki dúrkin álem chempıony Muhıt Tursynov jastarǵa úndeý jasady

ASTANA. KAZINFORM – Muhıt Tursynov "Zań men Tártip" qaǵıdattaryn nasıhattaý maqsatynda "Ózińnen basta" uranymen jastarǵa arnaıy úndeý jasady.

Sport sheberi jastardy zańǵa qurmetpen qarap, tártipti bolýǵa, salaýatty ómir saltyn ustanýǵa shaqyrdy.

— Men úshin sport — tártip pen jaýapkershilik mektebi. Kún saıynǵy jattyǵý, erejege baǵyný, qıyndyqtarǵa moıymaý jáne ádil jolmen jeńiske jetý – bul tek sport qaǵıdalary emes, bul — zań men tártipke degen qurmet. Baýyrjan atamyz aıtqandaı, tártipke baǵynǵan qul bolmaıdy. Árqaısymyz zańdy syılasaq — bolashaǵymyz berik bolady, — dedi Muhıt Tursynov.

Sportshynyń bul úndeýi — qoǵamdaǵy tártip pen quqyqtyq mádenıetti nyǵaıtýǵa baǵyttalǵan mańyzdy qadam.

Aıta keteıik, Prezıdent eldegi zań men tártipke qatysty mańyzdy úndeý jasady.