Qazaq kúresinen álem kýbogi: Alǵashqy jarys kúni kimder chempıon atandy
TÚRKІSTAN. KAZINFORM - Búgin Túrkistan qalasyndaǵy Olympic Center sport kesheninde qazaq dalasynyń dańqty batyry, kúsh atasy Qajymuqan Muńaıtpasulynyń júldesine arnalǵan qazaq kúresinen eresekter arasyndaǵy álem kýboginiń alǵashqy jarys kúni aıaqtaldy.
Eń áýeli bozkilemge 55 keli salmaq sanatyndaǵy balýandar shyqty. Bul salmaqta barlyq júldeni Qazaqstan quramasynyń balýandary jeńip aldy. Bas júldege Dııas Dáýlet ıe bolsa, ekinshi oryndy Qýanysh Maqsutov aldy. Úzdik úshtikti taǵy bir otandasymyz Temirjan Rýslan túıindedi.
66 keli salmaqta Tájikstannan kelgen balýan Iskandar Mahmadhojazodanyń mereıi ústem boldy. Bul salmaqta kúmis medal qyrǵyzstandyq Islam Kamchybekovke buıyrsa, úshinshi oryn qazaqstandyq balýan Nurdáýlet Aldabergen, grýzııalyq Gıgı Otıashvılıge buıyrdy.
Al 82 keli salmaqta bas júldeni el namysyn qorǵaǵan Nurdáýlet Baqtybaıuly jeńip alsa, ekinshi orynǵa Ózbekstan balýany Shahhrom Mahamatkarımov qol jetkizdi. Úzdik úshinshi oryndy otandastarymyz Dmıtrıı Dıner men Sultan-Beıbarys Qaıratuly ózara bólisti.
100 keli keli salmaqta birinshi jáne ekinshi oryndar qazaq balýandarynyń ózderine buıyrdy. Bul salmaqta bas júldeni Erasyl Amangeldi jeńip alsa, kúmis júldege Elmar Janbolatuly qol jetkizdi. Al úzdik úshinshi orynǵa grýzııalyq Zýrab Chagelıshvılı men Qytaıdan kelgen qandasymyz Amandjolı Sýantaı ıe boldy.
Álem kýboginiń alǵashqy kúnindegi jeńimpazdar men júldegerler:
55 keli
І oryn – Dııas Dáýlet – Qazaqstan
ІІ oryn – Qýanysh Maqsutov – Qazaqstan
ІІІ oryn – Temirjan Rýslan – Qazaqstan
66 keli
І oryn – Iskandar Mahmadhojazoda (Tájikstan)
II oryn — Islam Kamchybekov (Qyrǵyzstan)
III oryn — Nurdáýlet Aldabergen (Qazaqstan)
III oryn — Gıgı Otıashvılı (Grýzııa)
82 keli
I oryn — Nurdáýlet Baqtybaıuly (Qazaqstan)
II oryn — Shahhrom Mahamatkarımov (Ózbekstan)
III oryn — Dmıtrıı Dıner (Qazaqstan)
III oryn — Sultan-Beıbarys Qaıratuly (Qazaqstan)
100 keli
I oryn — Erasyl Amangeldi (Qazaqstan)
II oryn — Elmar Janbolatuly (Qazaqstan)
III oryn — Zýrab Chagelıshvılı (Grýzııa)
III oryn — Amandjolı Sýantaı (Qytaı)
Endi erteń, ıaǵnı 31 qazan kúni balýandar 60, 74, 90 jáne +100 keli salmaq dárejesinde synǵa túsedi.
Aıta keteıik, osyǵan deıin Túrkistanda kúsh atasy Qajymuqan Muńaıtpasulynyń júldesine arnalǵan qazaq kúresinen eresekter arasyndaǵy álem kýbogi bastalǵanyn jazǵan bolatynbyz.
Sondaı-aq, keshe atalǵan sport kesheninde qazaq kúresinen Azııa birinshiligi aıaqtalǵan bolatyn. Saryqurlyq dodasynda Qazaqstan quramasy 10 altyn, 4 kúmis jáne 2 qola medalmen jalpy komandalyq esepte kósh bastady.