«Qazaqstan barysy-2024» respýblıkalyq týrnırine kimder qatysady
ASTANA. KAZINFORM – Astana qalasynda Respýblıka kúnine oraı, qazaq kúresinen «Qazaqstan barysy-2024» respýblıkalyq týrnıri ótedi. Atalǵan iri doda 26 qazan kúni «Barys-Arena» stadıonynda ótedi.
Bul týrnırde oblystyq jarystardyń qorytyndysy boıynsha iriktelgen elimizdiń eń myqty degen 42 balýan baq synaıdy. Olar elimizdiń 17 oblysy men Respýblıkalyq mańyzy bar 3 qala - Astana, Almaty jáne Shymkent qalalarynyń sportshylary. Sondaı-aq týrnırge ótken jylǵy «Qazaqstan Barysy» jeńimpazy men «Ásker Barysy» eki balýany qatysady.
Balýandardyń salmaq ólsheý rásimi 25 qazanda saǵat 16:00-de «Barys Arena» stadıonynda ótedi.
Týrnırdiń ashylýynda QR Mádenıet jáne sport mınıstrligi men Astana qalasy ákimdiginiń ókilderi qatysady.
Barsha sport súıer qaýym úshin kirý – tegin bolady. Sonymen qatar kórermender úshin ulttyq stılde bezendirilgen oıyn-saýyq aımaǵy uıymdastyrylady, onda asyq atý, arqan tartý, toǵyzqumalaq jáne basqa da ulttyq oıyndaryn oınaýǵa bolady.
«Qazaqstan Barysy» Respýblıkalyq týrnıriniń uıymdastyrýshylary: «Qazaq kuresi» Assotsıatsııasy, «Sport Qory» qory, QR týrızm jáne sport mınıstrligi, Astana qalasy ákimdigi jáne «Samuryq-Qazyna» AQ.
«Qazaqstan Barysy-2024» respýblıkalyq týrnırine qatysatyn balýandar tizimi:
