Qazaq kúresinen «Jas Barys» qalalyq irikteý týrnıri bastaldy
ASTANA. QazAqparat - Búgin Almatydaǵy ál-Farabı atyndaǵy Qazaq Ulttyq ýnıversıtetiniń sport kesheninde qazaq kúresinen «Jas Barys» qalalyq irikteý týrnıri bastaldy, dep habarlaıdy QazAqparat tilshisi.
Eki kúnge sozylatyn dodada balýandar eki kezeń boıynsha synǵa túsedi. Birinshisi, qalanyń 8 aımaǵy arasyndaǵy jeke jekpe-jekter bolsa, al ekinshi sheshýshi kezeń komandalar arasynda ótedi.
Sportshylar úsh jas erekshelikterine qaraı (14-15, 16-17, 18-19) synǵa túsedi.
Búgin ál-Farabı atyndaǵy Qazaq Ulttyq ýnıversıtetiniń sport kesheninde balýandar arasynda salmaq ólsheý rásimi ótip, alǵashqy irikteý syndary bastalyp ketti. Al jarystyń resmı ashylý saltanaty erteń, ıaǵnı 21 qazan kúni bolady.
