Qazaq kúresinen N.Nazarbaevtyń júldesi úshin «Qazaqstan barysy» buqaralyq jarysy ótedi

Atalmysh jarystyń bas demeýshisi - «Samuryq-Qazyna» Ulttyq ál-aýqat qory» aktsıonerlik qoǵamy. Jobanyń maqsaty - qazaqstandyq balýandardyń áleýmettik jaǵdaıyn jaqsartyp, tól sportymyzdyń órisin keńeıtý, ulttyq dástúrdi jańǵyrtý arqyly óskeleń urpaqtyń boıynda Otansúıgishtik qasıetti qalyptastyrý, qazaq kúresiniń Olımpıada oıyndary baǵdarlamasyna enýine yqpal etý bolyp tabylady.

Joba sheńberinde Astana men Almaty qalalarynda oblystar men irikteý jarystary ótedi. Іrikteý saıystarynyń jeńimpazdary aǵymdaǵy jyldyń 15 qyrkúıeginde Astanada «Qazaqstan barysy» ataǵy úshin boz kilemge shyǵady. Balýandar beldesýi «Kúsh atasyn tanymas» qaǵıdasy boıynsha ótedi. ıAǵnı, ýaqyt pen salmaqqa shek qoıylmaıdy. Bas júlde - Taıtuıaq pen Altyn belbeý. Jeńimpaz, sondaı-aq 150 myń AQSh dollaryn qanjyǵaǵa baılaıdy. Ekinshi, úshinshi oryn alǵandar kúmis jáne  qola belbeý taǵyp, qomaqty qarjylaı syılyqtardy ıemdenedi.  Jarys barysynda ulttyq folklorlyq-etnografııalyq sıpattaǵy kontserttik baǵdarlama da usynylady.

Jobanyń dúnıege kelýine muryndyq bolǵan «KTK» telearnasy. Jarysty uıymdastyrýshylar - Qazaqstan Respýblıkasy Mádenıet jáne aqparat mınıstrligi, Qazaqstan Respýblıkasy Sport jáne deneshynyqtyrý isteri  agenttigi, Qyzylorda oblystyq ákimdigi,«Qazaqstan Barysy» qazaq kúresin damytý qoǵamdyq qory, Qazaqstan Respýblıkasynyń Qazaq kúresi federatsııasy.

Jobanyń uıymdastyrylýy jóninde erteń, 12 naýryzda Astanadaǵy «Dıplomat» qonaq úıinde arnaıy baspasóz maslıhaty ótedi.