Qazaq kúresinen «Konfederatsııa Kýbogyna» irikteý Astanada ótedi
ASTANA. QazAqparat - Qazaq kúresinen «Konfederatsııa Kýbogyna» irikteý jarysy Astana qalasynda ótedi, dep habarlaıdy QazAqparat tilshisi.
Qazaq kúresi federatsııasynyń baspasóz qyzmetiniń habarlaýynsha, irikteý syny 24 qazan kúni Astanadaǵy «Dáýlet» sport kesheninde ótpek.
Esterińizge sala keteıik, alǵashqy jyly bes sport túrinen uıymdastyrylǵan bedeldi básekeniń baǵdarlamasyna 2017 jyly ulttyq kúres engizildi. Nátıjesinde irikteýge segiz aımaqtan on klýb qatysyp, Almatynyń «Qazaq kuresi» sport klýby jeńimpaz atandy. Bıyl elordada ótetin qazaq kúresinen irikteý týrnırinde qatysýshylar sany byltyrǵydan kem bolmaıdy.
Komandalyq jarysta sportshylar boz kilemge 8 salmaq dárejesi boıynsha shyǵady: 55 kg, 60 kg, 66 kg, 74 kg, 82 kg, 90 kg, 100 kg, +100 kg.
