Qazaq kúresinen «Qazaqstan Barysy» týrnırine qatysatyn eń aýyr balýannyń esimi anyqtaldy (FOTO)
ASTANA. QazAqparat - Búgin «Han Shatyr» saýda-oıyn ortalyǵynda Qazaqstan Respýblıkasynyń Prezıdenti - Elbasy N.Á. Nazarbaevtyń júldesi úshin qazaq kúresinen «Qazaqstan Barysy» respýblıkalyq týrnıriniń fınalyna qatysýshylarymen kezdesý jáne saltanatty salmaq ólsheý rásimi ótip, týrnırge qatysatyn eń aýyr salmaqtaǵy balýannyń esimi belgili boldy.
Bıylǵy «Qazaqstan Barysy» respýblıkalyq týrnıriniń fınalyna óner kórsetetin balýandardyń ishinde eń aýyr salmaqtaǵy balýan shymkenttik Jumanazar Ersultanov 164 keli bolsa, eń jeńil salmaqtaǵy balýan 88 keli salmaqpen - soltústik qazaqstandyq Altynbek Aýsaǵıtov atandy.
Esterińizge sala keteıik, fınaldyq kezdesýde jeńimpaz atanǵan balýan - «Qazaqstan Barysy» ataǵyna ıe bolyp, týrnırdiń bas júldesi «Taıtuıaqty» jáne 25 mln teńgege, sondaı-aq, Astanadan bir bólmeli páterge ıe bolady.
