Qazaq kúresinen ІІІ halyqaralyq týrnır ótti - Qyzylorda oblysy
QYZYLORDA. QazAqparat - Búgin Jańaqorǵan aýdanynda qazaq kúresinen túıe palýandar arasyndaǵy eńbek ardageri M.Nálibaevty eske alýǵa arnalǵan ІІІ halyqaralyq týrnırdiń aqtyq saıysy ótti.
Oǵan Qyrǵyzstan, Ózbekstan jáne Qazaqstan palýandary qatysyp, ózara baq synasty, dep habarlady QazAqparat tilshisi oblystyq ákimdikke silteme jasap.
Sharaǵa Qyzylorda oblysynyń ákimi Qyrymbek Kósherbaev, QR Mádenıet jáne sport vıtse-mınıstri Asqar Batalov qatysyp, jeńimpazdardy quttyqtady jáne olarǵa baǵaly syılyqtar tabys etti.
Qazaq kúresinen túıe palýandar arasyndaǵy eńbek ardageri M.Nálibaevty eske alýǵa arnalǵan ІІІ halyqaralyq týrnır nátıjesinde І oryndy (1 mln. teńge) Almaty oblysynan Rýslan Ábdirazaqov ıelense, ІІ oryndy (500 myń teńge) jambyldyq Aıdos Teńgebaev qanjyǵasyna baılady. Al ІІІ oryndy (300 myń teńge) Ózbekstannan kelgen Ihtıor Halmýradov qanaǵat tutty.
Esterińizge sala keteıik, «Qazaqstan barysynyń» alǵashqy jeńimpazy bizdiń oblysymyzdan shyqsa, bıyl Astana qalasynda qazaq kúresinen ótken «Qazaqstan barysy» respýblıkalyq týrnırinde jerlesimiz Elaman Erǵalıev jeńis tuǵyryna kóterilip, oblys abyroıyn taǵy bir asqaqtatqan bolatyn. 
