Qazaq kúresinen «Eýrazııa barysy» týrnıri bastaldy
ASTANA. QazAqparat - «Almaty Arena» sport kesheninde qazaq kúresinen «Eýrazııa barysy» týrnıri bastaldy, dep habarlaıdy QazAqparat tilshisi.
Atalǵan dodada Brazılııa, Japonııa, Kamerýn, Grýzııa, Mońǵolııa, Túrkııa, Ózbekstan jáne Qazaqstan balýandary ózara komandalyq synda baq synaıdy. Aıta keteıik, qazaq balýandary jarysty uıymdastyrýshy el retinde eki qurammen óner kórsetedi. Al ózge elder bir qurammen 55 kg, 60 kg, 66 kg, 74 kg, 82 kg, 90 kg, 100 kg jáne +100 kg salmaq dárejeleri boıynsha myqtyny anyqtaıdy.
Joǵaryda atalǵan elder arasynda «Eýrazııa Barysy» týrnırine Brazılııa, Japonııa jáne Kamerýn elderiniń balýandary tuńǵysh ret qatysýda.
Jarysty «Qazaqstan» ulttyq arnasy saǵat 13:00-de al, «Qazsport» telearnasy 12:45-ten bastap tikeleı efırde kórsetedi.
Osy oraıda el namysyn qorǵaıtyn balýandar tizimin taǵy bir márte esterińizge sala keteıik:
Qazaqstannyń 1-shi quramasy:
55 keli: Daýylbaı Ospan
60 keli: Qýanysh Ysqaqov
66 keli: Baqdáýlet Sábıtov
74 keli: Aıdos Ǵalymov
82 keli: Ersultan Muzapparov
90 keli: Bekzat Ahmetbekov
100 keli: Asyl Bármenov
+100 keli: Aıbek Nuǵymarov
Qazaqstannyń 2-shi quramasy:
55 keli: Dáýlet Nıetbaı
60 keli: Erjan Maǵaýınov
66 keli: Qasymhan Tólenbaı
74 keli: Amankeldi Tólemisov
82 keli: Sahan Ábdiqasym
90 keli: Saıat Shamshıev
-100 keli: Vıktor Demıanenko
+100 keli: Rýslan Ábdirazaqov
