Qazaq kúresinen Azııa chempıonatynda eń tómengi salmaqta qazaq balýany chempıon atandy

ASTANA. QazAqparat - Qazaq kúresinen ótip jatqan Azııa chempıonatynyń eń tómengi salmaq dárejesinde qazaq balýany Erbol Aldýhan qarsylas shaq keltirmedi, dep habarlaıdy QazAqparat tilshisi.

Qazaqstan balýany aqtyq saıysta Mońǵolııadan kelgen Býhchýıýn Davaanaıamdy tize búktirdi. Eń tómengi salmaqta qola medaldi tájikstandyq Oıatolla Qojaev ıelendi.

Aıta ketsek, osyǵan deıin Azııa chempıonatynda 7 salmaq boıynsha birinshi oryndar 3 qazaq jáne 3 mońǵol, 1 túrikmenstandyq balýandarynyń enshisinde ketti.

Eske sala ketsek, Elordadaǵy «Dáýlet» sport kesheninde Qazaq kúresinen Azııa chempıonaty ótip jatyr. Azııa chempıonatynda 11 elden 77 balýan 8 salmaq dárejesi boıynsha synǵa túsýde. Chempıonatta Qazaqstan sortshylarymen birge Mońǵolııa, Tájikstan, Túrikmenstan, Pákistan, Ózbekstan, Shrı-Lanka, Japonııa, Iran, Qyrǵyzstan, Úndistannan kelgen sportshylar ózara baq synasty. Jalpy chempıonattyń júlde qory 20 myń AQSh dollaryna baǵalanýda.