Qazaq kúresinen Azııa chempıonaty: Mońǵol sportshysy fınalda qazaq balýanyn tize búktirdi

ASTANA. QazAqparat - Elordadaǵy «Dáýlet» sport kesheninde Qazaq kúresinen ótip jatqan Azııa Chempıonatynyń aqtyq saıystary jalǵasýda. 100 kelige deıingi salmaqta chempıonatta qazaq jáne mońǵol balýany kúsh synasty, dep habarlaıdy QazAqparat tilshisi.

Aqtyq saıysta Qazaqstannyń namysyn qorǵaǵan Baýyrjan Qabaev baryn salǵanymen, mońǵolııalyq Tývshynjarǵal Gannan aılasyn asyra almady. Osylaısha, +100 keli salmaqta top jarǵan Serik Berdimuratpen birge Gan da Azııa birinshiliginiń júldesine ıe bolyp otyr. Atalmysh salmaqta úshinshi oryndy tájikstandyq Kýrshed Sháripov pen túrikmenstandyq Ihlas Setdarov ıelendi.

Aıta ketsek, budan buryn Qazaq kúresinen ótip jatqan Azııa chempıonatynda +100 keli salmaqta birinshi orynǵa Mońǵolııa balýany Serik Berdimurat ıe bolǵanyn habarlaǵan bolatynbyz.

Eske sala ketsek, elordadaǵy «Dáýlet» sport kesheninde Qazaq kúresinen Azııa chempıonaty ótip jatyr. Azııa chempıonatynda 11 elden 77 balýan 8 salmaq dárejesi boıynsha synǵa túsýde.