Qazaq kúresinen Álem chempıonatynda tuńǵysh ret áıelder synǵa túsedi
ASTANA. QazAqparat - Búgin Belarýs astanasy Mınsk qalasynda qazaq kúresinen VII álem chempıonaty jalaýyn jelbiretti, dep habarlaıdy QazAqparat tilshisi.
Tól sportymyz - qazaq kúresinen bastalǵan álem chempıonatyna 26 memleketten eń tańdaýly balýandar júldeli oryndardy sarapqa salady. VII álem chempıonatynyń basty ereksheligi - bul birinshilikte erler men qatar tuńǵysh ret burymdy arýlarda boz kilemde ónerlerin ortaǵa salyp, áıelder arasynda qazaq kúresinen tuńǵysh álem chempıony ataǵyna talaspaq.
Keshe Mınsk qalasyna kelgen palýandar men komanda jetekshilerine arnalǵan otyrys bolyp ótti. Oǵan Birikken kúres əlemi quramyna kiretin dúnıejúzilik ulttyq sport túrleri komıtetiniń tóraǵasy Vıleıta Gıntaýtas pen Dúnıejúzilik qazaq kúresi federatsııasynyń prezıdenti Serik Tókeev jəne Belarýs qazaq kúresi federatsııasynyń prezıdenti Vladımır Grıshenkovtar qatysyp, ótetin chempıonattyń reglamentin tanystyryp, balýandarǵa sáttilik tiledi.
Sondaı-aq, əlem chempıonatyn dańqty sportshy, Belarýs qazaq kúresi federatsııasynyń qurmetti prezıdenti Aleksandr Medvedtiń 80 jasqa tolǵan qurmetine arnaıtyn bolyp sheshim qabyldandy.
