Qazaq kúresinen álem chempıonatynda el palýandary taǵy 7 «altyn» jeńip aldy

ASTANA. QazAqparat – Elordada ótip jatqan qazaq kúresinen álem chempıonatynyń úshinshi kúni el palýandary 7 altyn medal jeńip aldy. Bul týraly QazAqparat tilshisi «Qazaq kuresi» qaýymdastyǵynyń baspasóz qyzmetine silteme jasap habarlaıdy.

Saıystyń úshinshi kúni 17 jáne 20 jas aralyǵyndaǵy sportshylar 5 salmaq dárejesinde synǵa tústi. 17 jastaǵylar arasynda Aqylbek Amanuly (50 kg), Álı Álimbı (60 kg) jáne Sardar Ábdisámetuly (+82 kg) chempıon atandy. Al Oljas Jospar (70 kg) «kúmis» alsa, Qydyrmolda Qýan (50 kg), Rýzımın Tuǵyshev (60 kg) pen Temirhan Dárýseıithandar (82 kg) úzdik úshtikti túıindedi.

20 jastaǵy palýandar arasynda Rýslan Temirjan (60 kg), Jumajan Qojambekov (74 kg), Bıbarys Nuǵyman (84 kg), Erasyl Amangeldi (+100 kg) altyn medal jeńip aldy. Sonymen qatar, Shoqan Nurmahanbetov (100 kg.) ekinshi orynǵa taban tiredi. Osy jas deńgeıinde boz kilemde beldesken qazaqstandyqtar Altynbek Qalmaqbaev (60 kg), Eralhan Baltabaı (72 kg), Meıirjan Berikov (100 kg) jáne Meıirjan Ábdimálikov (+100 kg) úshinshi orynnan kórindi.

Eske sala keteıik, saıystyń alǵashqy kúni el palýandary 3 «altyn» jeńip alǵan edi. Al jarystyń ekinshi kúni bes sportshymyz chempıon atansa, bir palýan kúmis medal ıelengen bolatyn.

Foto: instagram.com/qazaqkuresi.kz