Qazaq kúresinen álem chempıonatyna 40-tan asa eldiń palýandary qatysady
AQTÓBE. QazAqparat - 2019 jyldyń 15-16 jeltoqsan aralyǵynda Aqtóbe qalasynda Qazaq Kuresi-nen Álem chempıonaty ótedi, dep habaralıdy QazAqparat Qazaq Kuresi Halyqaralyq federatsııasyna silteme jasap.
Álem chempıonatyna 40-tan asa eldiń sportshylary qatysady. Olardyń qatarynda: Ýkraına, Grýzııa, Avstrııa, Norvegııa, Estonııa, Frantsııa, Irlandııa, Germanııa, Pákistan, Ózbekstan, Iran, Ulybrıtanııa, Qyrǵyzstan, Úndistan, Lıtva, Slovenııa, Reseı jáne t.b. bar.
Palýandar 8 salmaq dárejesinde beldesetin bolady.
Chempıonatta Ýkraına, Reseı, Qyrǵyzstan, Tájikstan, Grýzııa, Lıtva jáne Armenııa memleketterinen kelgen - 8, elimizden 12 qazylyq etetin tóreshi bolady.
Qazaq Kuresi Halyqaralyq federatsııasy uıymdastyrǵan chempıonattar tarıhynda alǵash ret tóreshiler quramyna Qyrǵyzstannan kelgen áıel tóreshi qosyldy.
Jarystyń bas tóreshisi retinde – halyqaralyq dárejedegi Qazaqstan Respýblıkasynyń sport sheberi, Qazaqstan Respýblıkasynyń eńbek sińirgen bapkeri, PhD doktory Erbol Myrzabosynov taǵaıyndaldy.
Atap óter jaıt, chempıonatta sport altyn, kúmis, qola medaldardan bólek, úzdik tehnıka, ádemi ádis jáne taǵy basqa tehnıkasymen erekshelengen sportshylar marapattalady. Sondaı-aq, chempıonat aıasynda tóreshiler semınary ótkiziledi. Ádettegideı semınar barysynda Qazaq Kuresi tóreshilik turǵysynda talqylanady.
2019 jylǵy Álem chempıonaty sımvoldarynyń biri - Olımpıada alaýy. Ol Chempıonat ótetin Aqtóbe qalasynyń belgisi atanǵan – qyzǵaldaqpen árlendi. Qazaqstannyń batys óńiri munaı jáne gaz ken oryndaryna baı. Sondyqtan sımvoldardyń ekinshi túsindirmesi - otty qyzǵaldaq. Logotıptiń dóńgelek formasy sharanyń halyqaralyq, jahandyq mártebesin kórsete otyryp, jer sharynyń beınesin bildiredi. Qyzyl, sary jáne kók túster kúres kúresinen jarystar ótetin tatamıge túsine sáıkestendirildi. Bul túster logotıp kodynyń negizi.
