Qazaq kúresinen álem chempıonaty: Aqmolalyq palýan qyz qola júldeli boldy

KÓKShETAÝ. QazAqparat - Aqmolalyq palýan qyz Tolǵanaı Ábeýova qazaq kúresinen álem chempıonatynda qola júldeger atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.

Vedomstvonyń málimetinshe, Nur-Sultan qalasynda qazaq kúresinen 8-shi Álem chempıonaty ótken. Jarysqa dúnıejúziniń 28 elinen jınalǵan kileń myqty palýandar qatysyp, kúsh synasty.

«Ulttyq qurama sapynda bolǵan Stepnogor qalasyndaǵy olımpıadalyq rezerv daıarlaıtyn oblystyq mamandandyrylǵan mektep-ınternaty-kolledjiniń tárbıelenýshisi Tolǵanaı Ábeýova jaqsy nátıje kórsetti. Jerlesimiz boz kilemde bes beldesý ótkizip, júldeli úshinshi oryn aldy. Tolǵanaı bapkeri Asylbek Shahanovtyń jetekshiligimen jattyǵady», - deıdi vedomstvodan.

Aıta ketý kerek, Dúnıejúzilik qazaq kúresi federatsııasy qurylǵan 15 jyldyń ishinde 52 elde federatsııasyn ashty.