Qazaq kúresin Olımpıada oıyndaryna engizý josparlanýda
ASTANA. QazAqparat - Qazaq kúresin Olımpıada oıyndaryna engizý josparlanýda. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.
«Qazaq kúresine qatysty byltyr úlken halyqaralyq konferentsııa ótkizildi. Oǵan shetel ǵalymdary da qatysty. Búgingi tańda biz qazaqsha kúresti Azııa Oıyndaryna engizý boıynsha jumystardy atqarýdamyz. 2014 jyly Koreıanyń Inchhon qalasynda ótetin Azııa Oıyndarynda qazaqsha kúresti kórsetemiz be dep otyrmyz. Negizgi bizdiń maqsatymyz - qazaqsha kúresti Olımpıada Oıyndaryna kirgizý», - dep atap ótti agenttik tóraǵasy.
«Ol, árıne, búgingi kezde senbeıtin adamdar kúlip qaraýy múmkin, biraq bul ultymyzdyń osy murasyn máńgilik qalýy úshin keıingi urpaqqa qaldyrý úshin biz jol ashýymyz shart. Biraq onyń óz kezeńderi bolady. Birinshiden, biz qazaq kúresin búkil dúnıe júzine taratýymyz kerek. Ol úshin mıssıonerlerdi jiberýimiz kerek. Sheteldegi stýdentter arqyly da dáriptelmek. Odan ózge jaqsy qazaq kúresine qatysty baǵdarlama jasalýda», - dedi T. Esentaev.
