Qazaq kúresin balabaqsha, mektep, kolledj baǵdarlamasyna engizsek deımiz – SQO-lyq bapker
PETROPAVL. QazAqparat – Soltústik Qazaqstan oblysynda balalar men jasóspirimderdiń 13 sport mektebinde qazaq kúresi bólimi bar. Búgine ulttyq sporttyń osy túrimen aınalysatyndar sany myńnan asqan, dep habarlaıdy QazAqparat tilshisi.
SQO dene shynyqtyrý jáne sport basqarmasy baspasóz qyzmetiniń málimetinshe, Petropavlda qazaq kúresin damytý máselelerine arnalǵan jıyn ótti. Oǵan SQO ákimi orynbasary Dáýren Jandarbek, oblystyq jaýyngerlik óner qaýymdastyǵynyń prezıdenti, SQO boıynsha ulttyq qaýipsizdik komıtetiniń basshysy Azat Karımýllın jáne salalyq basqarma tóraǵasy Sergeı Melehov qatysty.
Mamandardyń aıtýynsha, SQO-da oblysynda balalar men jasóspirimderdiń 13 sport mektebinde qazaq kúresinen bólimder jumys isteıdi. Negizinen balalar men jasóspirimder – myńnan astam adam aınalysady. Olarmen 54 bapker-ustaz jatttyqtyrady.
2018 jyly óńirde «Qyzyljar arlandary» sport klýby ashyldy. Kileń myqtylardyń basyn qosqan bul klýbta 30 adam jattyǵady. Olardyń 5-eýi – halyqaralyq dárejedegi sport sheberi, 8-i – sport sheberi bolsa, 7-eýi sport sheberligine úmitker. Bul balýandar halyqaralyq, respýblıkalyq týrnırlerge qatysyp, júldeli oryndardy jeńip aldy.
«SQO-da qazaq kúresin damytý júıeli túrde júrgizilip jatyr. Qazir bul óńirdi basqa oblystarǵa úlgi etemiz. Óıtkeni qazaq kúresi boıynsha kósh bastap tur. 2019 jyly Qyzyljar arlandary komandasy QR konfederatsııa kýbogin jeńip aldy. Sol jyly klýb múshesi Qýanysh Isqakov qazaq kuresi boıynsha ótken Álem chempıonatynda 66 salmaq dárejesinde altyn júlde aldy», - deıdi «Qazaqstannyń jaýyngerlik óner qaýymdastyǵynyń» bas dırektory Abat Imambaev.
SQO-da qaýymdastyqqa 13 óńirlik federatsııa qaraıdy, olar: MMA, grepplıng, ýshý sanda jáne ýshý taolý, pankratıon, kıkboksıng, mýaı-taı, karate keokýsınkaı ı shın keokýshın karate, taekvondo ITF, qoıan-qoltyq urys, djıý-djıtsý, belbeý kúres, dzıýdo jáne sambo. Sporttyń bul túrlerimen 2,5 myń adam aınalysady. 72 jattyqtyrýshy bar, kópshiligi attestat alǵan.
«Qyzyljar arlandary» klýbyn qurylǵannan beri basqaryp kele jatqan Erbol Myrzabosynovtyń aıtýynsha, Qazaq kuresi ulttyq sportyn damytýda qaýymdastyqtyń atqarar jumysy áli de orasan. Solardyń biri – qazaq kúresin pán retinde balabaqsha, mektep, kolledj jáne joǵary oqý oryndarynyń baǵdarlamasyna engizý. Sondaı-aq quqyq qorǵaý organdary, arnaıy memlekettik organdar men áskerı vedomstvo qyzmetkerleri de ulttyq sport túrimen aınalysýǵa mindetteletin bolady.
