Qazaq kúresi telearnada eń joǵary aýdıtorııa jınaıdy - Erlan Qarın
«Qazaqstan Barysynyń», qazaq kúresiniń aýdıtorııasy elimizde jyldan-jylǵa keńeıýde. Onyń bir aıǵaǵy - shilde aıynda Astanada ótken «Qazaqstan barysyn» tikeleı efırden birneshe saǵat boıy kórsetken edik. Sondaǵy kórsetkishterge sáıkes týrnır sońǵy jyldarda eń kóp aýdıtorııa jınady. ıAǵnı, jyldan-jylǵa aýdıtorııasy keńeıýde. Jarys birneshe saǵatqa sozylsa da kórermender sońyna deıin qyzyǵyp, tamashalap otyrdy. Bul ulttyq sport túrleriniń bizdiń aýdıtorııa tarabynan óte úlken qoldaýǵa ıe bolyp otyrǵandyǵynyń kórinisi, úlken qyzyǵýshylyq bar ekendiginiń aıǵaǵy», - dedi ol.
Sonymen qatar ol «Qazaqstan» telearnasy «Qazaqstan Barysy», «Eýrazııa Barysy», «Álem Barysy» syndy aýqymdy sporttyq sharalarǵa qoldaý kórsetýge daıyn ekendigin basa aıtty.
«Álem Barysyn» eki telearnada kórsetetin bolamyz. Eń aldymen tańerteń bastalatyn irikteý beldesýlerin «Qazsport» telearnasy kórsetedi. Al túski saǵat 13:00-degi resmı ashylý saltanatyn qosa alǵandaǵy negizgi beldesýlerdi «Qazaqstan» ulttyq arnasynan tikeleı efırde tamashalaı alasyzdar. Shilde aıynda ótken «Qazaqstan Barysy» týrnıri kezinde jarys ótken sport keshenine arnaıy stýdııamyzdy ornalastyrǵan bolatynbyz. Stýdııada jarystyń qalaı ótip jatqandyǵyn týrnırge qatysýshylarmen tikeleı efırde talqyǵa saldyq. Dál osy tásildi bul joly da paıdalanamyz. Beldesýler ótetin arenada «Qazsport» telearnasynyń arnaıy stýdııasyn jasaqtaımyz. Sol jerde árbir aıaqtalǵan beldesýdi sport mamandarymen talqyǵa salyp otyramyz», - dedi Erlan Qarın.
Aıta keteıik, 6 qyrkúıek kúni saǵat 18:00-de «Mega Silk Way» oıyn-saýyq ortalyǵynda "Alem Barysy" qatysýshylarynyń saltanatty salmaq ólsheý jáne jerebe tartý rásimi bolady. Chempıonat 8 qyrkúıekte «Barys Arena» sport kesheninde ótedi.
