Qazaq kúresi federatsııasy QR sporttyq jekpe-jek jáne kúsh qoldanylatyn sport túrleri konfederatsııasynyń quramyna kirdi
ASTANA. QazAqparat - Qazaqstan Respýblıkasynyń qazaq kúresi federatsııasy resmı túrde QR sporttyq jekpe-jek jáne kúsh qoldanylatyn sport túrleri konfederetsııasynyń quramyna kirdi. Bul týraly konfederatsııanyń baspasóz qyzmetinen habarlady.
Aǵymdaǵy jyldyń mamyr aıynda qazaq kúresi federatsııasynyń eseptik konferentsııasynda konfederatsııa quramyna kirý sheshimi qabyldanǵan, ol sheshimdi keıinnen jalpy jınalysta konfederatsııa músheleri biraýyzdan qoldaǵan. Osylaısha, qazaq kúresi federatsııasy uıymnyń altynshy múshesi boldy. Eske sala keteıik, QR sporttyq jekpe-jek jáne kúsh qoldanylatyn sport túrleri konfederetsııasy 2012 jyly qurylǵan. Onyń tóraǵasy - Tımýr Qulybaev. Qazirgi ýaqytta onyń quramyna boks, grek-rım, erkin jáne áıelder kúresi, dzıýdo, taekvando (WTF) jáne aýyr atletıka federatsııalary kiredi.
