Qazaq kúresi «EKSPO-2017» aıasynda keńinen nasıhattalady

ASTANA. 13 qarasha. QazAqparat - Astanadaǵy «EKSPO-2017» Halyqaralyq kórmesi aıasynda qazaq kúresi keńinen nasıhattalady. Bul týraly búgin Astanada ashylǵan «Qazaq kúresiniń ótkeni, búgini men bolashaǵy» taqyrybyndaǵy I respýblıkalyq ǵylymı-tájirıbelik konferentsııada QR Sport jáne dene shynyqtyrý agenttigi tóraǵasynyń orynbasary Tańatbek Esentaev málim etti.

«Biz «EKSPO-2017» halyqaralyq kórmesi aıasynda qazaq kúresin keńinen nasıhattaýdy josparlap otyrmyz. Osy maqsatta Álem chempıonaty jáne «Qazaqstan barysy» týrnıri uıymdastyrylady», - dep atap kórsetti T.Esentaev. Sondaı-aq qazaq kúresin materıaldyq emes mádenı mura retinde ıÝNESKO baǵdarlamasyna engizý kózdelip otyr. Sebebi sporttyń bul túri qazaq halqynyń turmys-tirshiligi men salt-dástúrlerin kórsetedi.