Qazaq kúresi bolǵandyqtan namysqa tyrystym - Aıbek Nuǵymarov
AShHABAD. QazAqparat - Túrikmenstan astanasy Ashhabadta Azııa chempıonatynda qazaq kúresinen Aıbek Nuǵymarov qyrǵyz palýany Nazar Dýrdıevten basym túsip, chempıon atanǵan bolatyn . «QazAqparat» tilshisi palýannyń ózimen tildesip, qýanyshymen bólisti.
- Aıbek, jeńis qutty bolsyn! Azııa chempıony atandyń. Jalpy, jarys óziń úshin qalaı boldy?
- Shúkir deımiz. «Álem barysy» týrnırinen keıin, esimizdi jıyp úlgermeı, osynda keldik. Sál aýyrlaý bolǵan sııaqty. Qarymdy qarsylastar jolyqty. Fınaldaǵy beldesý ońaıǵa soqpady.
- Jeńimpaz atanǵannan keıingi kóńil-kúıiń qalaı?
- Altyn alyp jatyrmyz. Qýanyshtymyn. Qazaq kúresi bolǵan soń, namysqa tyrystym.
- Uıymdastyrý jaǵy, jarys týraly ne aıtasyń?
- Rızamyz. Túrikmen baýyrlar joǵary deńgeıli jarys uıymdastyryp jatyr. Bári kóńilimizden shyqty dep senimmen aıta alamyz. Kórshi elge alǵys bildiremiz.
- Kóp rahmet, Aıbek!
Suhbattasqan Asqar Aǵataev
