Qazaq kúresi: Astanada ótetin Azııa chempıonatynda el namysyn kimder qorǵaıdy
ASTANA. QazAqparat - 26 tamyzda Astanada qazaq kúresinen ótetin Azııa chempıonatynda el namysyn qorǵaıtyn balýandardyń esimderi belgili boldy, dep habarlaıdy QazAqparat tilshisi.
Atalǵan dodada el namysyn 9 balýan qorǵaıdy. Olardyń arasynda álemniń tórt dúrkin chempıony, «Qazaqstan barysynyń» jeńimpazy Aıbek Nuǵymarov ta bar. Ol absolıýttik salmaq dárejesi boıynsha altyn medalǵa talasady.
Azııa birinshiliginde el namysyn qorǵaıtyn balýandardyń tolyq tizimi:
55 keli - Erbol Aldýhan
60 keli - Ospan Dáýletbaı
66 keli - Nurbolat Іzimǵalıev
74 keli - Naýryzbek Maılashev
82 keli - Ersin Seıtqazınov
93 keli - Ádiljan Ystybaev
100 keli . Baýyrjan Qabaı
+100 keli - Aıbat Seıten
Absolıýttik salmaq (145) - Aıbek Nuǵymarov
Aıta keteıik, Azııa birinshiligine 11 memleketten 80 sportshy qatyspaq. Balýandar 8 salmaq jáne absolıýttik dáreje boıynsha synǵa túsedi. Ár salmaqtaǵy jarys jeńimpazyna 1000 dollardan tabystalady, al kúmis júldegerge 500, qola medal jeńimpazyna 300 dollardan beriledi. Absolıýttik salmaq dárejesi boıynsha altyn medal ıegerine 3000 dollar, kúmiske 1500 dollar, qola júlde ıesine 1000 dollar tabystalady.
