Qazaq kúresi: Qazaqstan quramasy álem kýbogin 6 altyn medalmen aıaqtady
TÚRKІSTAN. KAZINFORM - Búgin Túrkistan qalasyndaǵy Olympic Center sport kesheninde qazaq dalasynyń dańqty batyry, kúsh atasy Qajymuqan Muńaıtpasulynyń júldesine arnalǵan qazaq kúresinen eresekter arasyndaǵy álem kýbogi óz máresine jetti.
Atalǵan dodanyń ekinshi jarys kúni el qorjynyna taǵy 3 altyn medal tústi. Búgin balýandar tórt salmaqta synǵa túsken bolatyn.
60 keli salmaqta el namysyn qorǵaǵan balýandarymyz arasynda Marat Nyǵmatýllaev fınalda qyrǵyzstandyq Tuǵol Kanatbekulyn qapy qaldyryp, chempıon atandy. Al úzdik úshinshi oryndardy otandastarymyz baǵdat Oraqbaı men Bekzat Amzebek ózara bólisti.
74 keli salmaqta synǵa túsken balýandardan qazaqstandyq Jumajan Qojambekovke teń keler eshkim bolmady. Ol fınalda otandasy Erasyl Baqdáýletten basym tústi. Úshinshi oryndarǵa Elbek Tojıev (Ózbekstan) pen Pýrııa Asadolla Shokrı (Iran) ıe boldy.
90 keli salmaqtyń bas júldesin Tájikstan balýany Haqnazar Nazarov jeńip aldy. Ol fınalda qazaq balýany Enbek Saqtaǵanovtan aılasyn asyrdy. Úzdik úshinshi oryndarǵa qos birdeı qazaq balýandary Erasyl Merjanov pen Oljas Isahanov qol jetkizdi.
Al asa aýyr salmaq dárejesinde synǵa túsken balýandar arasynda qazaqstandyq Nursultan Qabalań top jardy. Ol fınalda taǵy bir qazaq balýany Muhtar Dálelhanulynan basym boldy. Úzdik úshinshi oryndarǵa otandasymyz Sardar Ábdısamıtuly men Grýzııa balýany Prıdonı Sharıkadze qol jetkizdi.
Osylaısha, Qajymuqan Muńaıtpasulynyń júldesine arnalǵan qazaq kúresinen eresekter arasyndaǵy álem kýboginiń sońǵy jarys kúni qazaq balýandary 3 altyn, 3 kúmis, 5 qola medalmen aıaqtady.
60 keli
І oryn - Marat Nyǵmatýllaev (Qazaqstan)
ІІ oryn - Túǵol Kanatbekuly (Qyrǵyzstan)
ІІІ oryn - Baǵdat Oraqbaı (Qazaqstan)
ІІІ oryn - Bekzat Amazbek (Qazaqstan)
74 keli
І oryn - Jumajan Qojambekov (Qazaqstan)
ІІ oryn - Erasyl Baqdáýlet (Qazaqstan)
ІІІ oryn - Elbek Tojıev (Ózbekstan)
ІІІ oryn - Pýrııa Asadolla Shokrı (Iran)
90 keli
І oryn - Haqnazar Nazarov (Tájikstan)
ІІ oryn - Enbek Saqtaǵanov (Qazaqstan)
ІІІ oryn - Erasyl Merjanov (Qazaqstan)
ІІІ oryn - Oljas Isahanov (Qazaqstan)
+100 keli
І oryn - Nursultan Qabalań (Qazaqstan)
ІІ oryn - Muhtar Dálelhanuly (Qazaqstan)
ІІІ oryn - Sardar Ábdısamıtuly (Qazaqstan)
ІІІ oryn - Prıdonı Sharıkadze (Grýzııa)
Esterińizge sala keteıik, osyǵan deıin jarystyń alǵashqy kúni qazaqstandyq balýandar taǵy 3 altyn, 2 kúmis, 4 qola medal jeńip alǵany týraly jazǵan bolatynbyz.