Qazaq kóshpendileriniń mádenıeti Horvatııada tanystyryldy
Qazaqstan Elshiliginiń qoldaýymen Horvatııada tuńǵysh ret «TURAN» etno-folklorlyq ansambliniń kontserti sátti ótti. Horvatııa Respýblıkasy Parlamentiniń vıtse-spıkeri Davorko Vıdovıch óziniń quttyqtaý sózinde ótip jatqan mádenı is-sharanyń mańyzdylyǵyn atap ótti. Onyń aıtýynsha, kontsert qazaq halqynyń baı shyǵarmashylyǵymen tanysyp qana qoımaı, elder arasyndaǵy dostyq pen ózara túsinistikti nyǵaıtýǵa úles qosýǵa múmkindik berdi.
Toptyń qýatty energııasy, klassıkalyq kúılerdiń vırtýozdy úni, qaıtalanbas janrdaǵy halyq shyǵarmalary men kómeımen án salý tehnıkasy zaldaǵy eshkimdi beıjaı qaldyrmaı, Horvatııa jurtshylyǵynyń zor tańdanysyn týdyryp, qoshemetterine ıe boldy. Mýzyka súıer qaýym qobyz, sybyzǵy, jetigen, sherter, dombyra jáne basqa da qazaqtyń kóne aspaptarynyń sıqyrly únine tánti boldy.
Zagreb Mýzyka akademııasynyń kontsert zalynyń sahnasynda Qazaqkontserttiń basqa solısteri de tamasha óner kórsetti – Qazaqstannyń eńbek sińirgen qaıratkeri Aqtoty Raıymqulova, belgili tenor Medet Shotabaev, belgili pıanıst jáne kontsertmeıster Dına Mırmanova, sondaı-aq vıolonchelshi, Shanhaı konservatorııasynyń stýdenti Talǵar Tolqynuly. Zalǵa jınalǵan jurtshylyq ártisterdiń ónerin dý qol shapalaqtaýmen súıemeldedi.
Keshtiń erekshe atmosferasyn etno-kórme berdi, onyń aıasynda Horvatııa astanasynyń turǵyndary úshin alǵash ret kıiz úıdiń túrli-tústi ishki bezendirilýi usynyldy. Sándik-qoldanbaly óner nysandary, qazaqtyń ulttyq kıimderi, fotosýretter men qazaq taǵamdarynyń dástúrli delıkatesteri Balqan túbeginde kóp ǵasyrlyq tarıhy men baı murasy bar Uly dalanyń kóshpeli halyqtarynyń mádenıetin pash etti.
Sharaǵa Qazaqstan azamattary, Horvatııa úkimetiniń músheleri, eldiń eks-prezıdentteri, parlament depýtattary, iskerlik, dıplomatııalyq, akademııalyq jáne shyǵarmashylyq toptardyń ókilderi qatysty. Zaldyń tolyp ketýine baılanysty kontsertke kele almaǵan qonaqtar úshin «YouTube» arnasynda tikeleı translıatsııa uıymdastyryldy.
Ótken is-shara qazaq kóshpendileriniń mádenı murasynyń shetelde tanymal bolýyna yqpal etip qana qoımaı, qazirgi Qazaqstanǵa degen qyzyǵýshylyqty aıtarlyqtaı arttyrdy. Mádenı keshtiń kóptegen qonaqtary elimizdi jaqynyraq tanyp, jaqyn arada baryp qaıtýǵa nıet bildirdi.
