Qazaq kompozıtorlary: Maqalym Qoıshybaev
ASTANA. QazAqparat - Maqalym Qoıshybaev 1926-1986 jyldar aralyǵynda ómir súrgen. Ol - kompozıtor, QazSSR-niń eńbek sińirgen óner qaıratkeri. Dotsent V.V. Velıkanovtyń kompozıtsııa klasy boıynsha Almaty konservatorııasyn bitirgen.
Qoıshybaev óziniń shyǵarmashylyq qyzmetin 13 jasynda oryndaýshy bolyp bastaǵan, Radıokomıtet janyndaǵy qazaq halyq aspaptary orkestrinde oınaǵan.
Qoıshybaev sımfonııalyq orkestr men qazaqtyń halyq aspaptar orkestrine arnalǵan »Mánshúk«, »Jastar«, »Qurmanǵazy«, »Estelikter« poemalaryn jazdy. Ol kóptegen estradalyq, kameralyq, aspaptyq shyǵarmalardyń, án romanstardyń, »Jastar«, «Aqqý», «Qyzylqum» kúıleriniń avtory.
Qoıshybaevtyń shyǵarmashylyǵynda mýzykalyq faktýranyń ekpindi tolǵaýymen keń aýqymdy yrǵaq qamtylǵan. Halyqtyq ándik jáne aspaptyq túrlerge súıene otyryp, ol orkestrlik dybystalymnyń úndestigine nazar aýdarady.
