Qazaq kólik jáne kommýnıkatsııalar akademııasy bas lıtsenzııasynan aıyryldy

NUR-SULTAN. QazAqparat - Nur-Sultan qalasynyń mamandandyrylǵan aýdanaralyq ákimshilik sot sheshimimen M.Tynyshbaev atyndaǵy Qazaq kólik jáne kommýnıkatsııalar akademııasyn bas lıtsenzııasynan aıyryldy. Bul týraly QazAqparat Bilim mınıstrliginiń telegram kanalyna silteme jasap habarlaıdy.

Sotta ákimshilik quqyq buzýshylyq týraly kodekstiń 464-baby 2-bóligine sáıkes QR BǴM Bilim jáne ǵylym salasyndaǵy sapany qamtamasyz etý komıtetiniń Qazaq kólik jáne kommýnıkatsııalar akademııasynyń bilim berý qyzmetin júrgizýge ruqsat beretin bas lıtsenzııasynan jáne onyń qosymshalarynan aıyrý týraly qaýlysyna qatysty akademııanyń shaǵymy boıynsha ákimshilik is qaraldy.

Sot Bilim jáne ǵylym mınıstrliginiń Tynyshbaev atyndaǵy Qazaq kólik jáne kommýnıkatsııalar akademııasyn bas lıtsenzııasynan aıyrý týraly sheshimin óz kúshinde qaldyryp, qaýlyny mınıstrliktiń paıdasyna qabyldady. Akademııanyń bilim berý qyzmetine qatysty komıtet tarapynan júrgizilgen tekseris barysynda anyqtalǵan buzýshylyq faktilerin de sot rastady», – dedi QR BǴM Bilim jáne ǵylym salasyndaǵy sapany qamtamasyz etý komıteti.