Qazaq kókparshylary búgin qytaılyq qarsylastaryn iri eseppen utty
STANA. QazAqparat - Búgin Astanadaǵy «Qazanat» atshabarynda Kókpardan I álem chempıonatynyń tórtinshi kúni aıaqtaldy, dep habarlaıdy QazAqparat.
Oıyn qorytyndysy boıynsha, Mońǵolııa kókparshylary Túrkııany 10-7 esebimen utty, ózbek kókparshylary AQSh kobvoılaryn 11-1 esebimen jeńdi, qyrǵyz kókparshylary da tájik sportshylaryn 15-2 esebimen qapy qaldyrdy, al Aýǵanstan kókparshylary reseılikterden 5-1 esebimen basym tústi, Vengrııa kókparshylary ázerbaıjandarǵa upaı bermedi, esep 3-0, al Qazaqstan kókparshylary QHR sportshylary 14-5 esebimen oısyrata jeńdi.
Erteńgi 25 tamyzda jarys saǵat 09.00-de bastalady, alǵashqy kezdesýde Mońǵol Respýblıkasy men Tájikstan kókparshylary kúsh synasady.
Aıta keteıik, jarysqa álemniń 11 memleketinen 200-ge jýyq kókparshy qatysýda. Jerebe nátıjesinde «A» tobyna Qyrǵyzstan, Túrkııa, AQSh, Ózbekstan, Mońǵolııa jáne Tájikstan synǵa túsip jatsa, «V» tobynda Qazaqstan, Ázerbaıjan, Reseı, Vengrııa, Qytaı men Aýǵanstan ózara myqtylardy anyqtaýda. Jarystyń jalpy júlde qory - 18 mln teńge. I oryn - 10 mln teńge, II oryn - 5 mln teńge, III oryn - 3 mln teńge.
Halyqaralyq sharany QR Mádenıet jáne sport mınıstrligi men QR «Ulttyq sport túrleri qaýymdastyǵy» uıymdastyrýda.
