12:25, 11 Qyrkúıek 2024 | GMT +6
Qazaq kókparshylary Reseıdi jeńip, fınalǵa ótti
ASTANA. KAZINFORM — «Qazanat» ıppodromynda Qazaqstan men Reseı kókparshylary jartylaı fınalda óner kórsetip, qazaqstandyq shabandozdar aqtyq dodaǵa ótti.
Qazaqstan quramasy bul oıynda, 18 salym salsa, reseılik kókparshylar serkeni sheńberge nebári 2 ret qana dúp tastaı aldy.
Sonymen qorytyndy esep — 18:2.
Qazaqstan kókparshylary erteń Qyrǵyzstan komandasymen altyn júlde úshin talasqa túsetin bolady.
Eske salaıyq, keshe qazaqstandyq shabandozdar amerıkalyq kókparshylardy 12:4 esebimen utsa, irikteý kezeńinde Ózbekstan qurama komandasyn 16:0 esebimen aıqyn jeńgen edi.
Buǵan deıin QR kókpar qurama komandasynyń kapıtany Turǵanbek Qurmanbek Qazaqstan quramasynyń basty qarsylasy — qyrǵyzstandyq kókparshylar ekenin aıtqan bolatyn.
