Qazaq qyzy qysqy Azııa oıyndarynyń chempıony atandy

HARBIN.KAZINFORM - Qytaıda týyp-ósken, ulty qazaq sportshy Baıan Jalynqyzy IX qysqy Azııa oıyndarynda altyn medal enshiledi.

Баян Жалынқызы
Фото: Синьхуа

Qazaq qyzy shańǵy jarysynan áıelder arasynda 5 shaqyrymǵa syrǵanaýdan (erkin stıl) 12 mınýt 07.5 sekýnd nátıje kórsetip, máre syzyǵyn birinshi bolyp kesti.

Sondaı-aq, Qytaı quramasynyń sportshysy Dınıger Ilamýjan kúmis enshilese, taǵy bir qytaılyq sportshy Chy Chýnshýe qola júldeger atany.

Aıta keterligi, osy jarysqa qazaqstandyq sportshylar Darıa Rıajko, Nadejda Stepashkına, Ksenııa Shalygına jáne Angelına Shýryga qatysty.

Qortyndysynda Nadejda Stepashkına máre syzyǵyn besinshi kesse, Ksenııa Shalygına jetinshi, Angelına Shýryga men Darıa Rıajko segizinshi-toǵyzynshy orynnan kórindi.

Eske sala keteıik, qytaılyq qandasymyz Samǵar Serikuly keshe erler arasynda shańǵymen syrǵanaýdan sprınt baǵdarlamasynda qola júlde jeńip alǵan bolatyn.

Baıan Jalynqyzy QHR Altaı aımaǵy Jemeneı aýdanynda dúnıege kelgen. Ol Shańǵy sporty túrleri boıynsha Qytaı ulttyq quramasyna qabyldanyp, Beıjiń qysqy Olımpıadasynda óner kórsetti.

Сейчас читают