14:20, 20 Aqpan 2024 | GMT +6

Qazaq qyzy Germanııada ótken bedeldi horeografııalyq baıqaýda altyn medalge ıe boldy

Казахстанка завоевала «золото» престижного хореографического конкурса в Германии — Фото: ҚР Мәдениет және ақпарат министрлігінің баспасөз қызметі

ASTANA. KAZINFORM – Roza Baǵlanova atyndaǵy «Qazaqkontsert» memlekettik akademııalyq kontserttik uıymy «Gúlder» ansambliniń ártisi Aqqanat Smaǵulova 2024 jyldyń 20 aqpanynda Germanııada ótken «TANZOLYMP» bedeldi halyqaralyq horeografııalyq baıqaýynyń altyn medaline ıe boldy. Bul týraly QR Mádenıet jáne aqparat mınıstrliginiń baspasóz qyzmeti habarlady.

Óner dodasynda Aqqanat Anvara Sadyqova qoıǵan «Aqqý» jáne Almat Shamshıev qoıǵan «Erke bala» atty eki bı nómirin usyndy.
⠀
«800-den astam ónerpaz baq synaǵan baıqaýda 34 qatysýshy irikteýden ótip, Gala-kontsertte óner kórsetti. Aıta ketý kerek, Aqqanat — Gala-kontsertte „Halyq bıi“ nomınatsııasy boıynsha óner kórsetýge múmkindik alǵan jalǵyz ónerpaz» - delingen habarlamada.
⠀
«TANZOLYMP» festıval-baıqaýy jyl saıyn ótkiziletin bedeldi horeografııalyq baıqaýlardyń biri. Baıqaý baǵdarlamasyn mádenıet jáne óner qaıratkerleri men kásibı bı oqytýshylary baǵalaıdy.
⠀
QR Mádenıet jáne aqparat mınıstrliginiń baspasóz qyzmeti

Tegter:

Мәдениет ҚР Мәдениет және ақпарат министрлігі Өнер Германия

Сейчас читают