Qazaq qyzy álemdik týrnırde top jardy
ASTANA. KAZINFORM – Ústel tennısinen sport sheberi Janerke Kóshkimbaeva Katar astanasy Dohada ótken WTT Youth Contender týrnırinde altyn medal jeńip aldy.
Atalǵan federatsııanyń resmı paraqshasy habarlaǵandaı, sportshy 25 qańtarda Dohada (Katar) ótken «WTT Youth Contender» halyqaralyq týrnırinde erekshe kózge tústi.
19 jasqa deıingi jasóspirimder sanatynda Janerke Márııam Allalıdi (Bahreın), Faýzııa Melkıdi (Katar), Marııa Mıkalaýskıteni (Lıtva), Ýr Favadtty (Pákistan), Amrýt Phadkeni (Bahreın) artta qaldyryp, birinshi oryndy ıelendi.
Osylaısha qaraǵandylyq sport sheberi Janerke Koshkýmbaeva (jattyqtyrýshysy Tatıana Kım) 2024 jyldy sátti bastady.
Ol 11 qańtarda Qazaqstan chempıonatynda komandalyq esepte І-oryndy ıelenip, 15 qańtarda áıelder arasyndaǵy juptyq synda taǵy da jeńis tuǵyrynan kóringen bolatyn.
Aıta keteıik, WTT Youth Contender týrnırinde buǵan deıin Alan Qurmanǵalıev birinshi oryn alǵan edi.
Posmotret etý pýblıkatsııý v Instagram
