Qazaq qyzdary ІT-salasyn meńgerýde
Elordada IT-AIEL baǵdarlamasyn tabysty aıaqtaǵan 50 qyz-kelinshekke sertıfıkat tapsyrylyp, 5 jobanyń tanystyrylymy ótti, dep habarlaıdy Kazinform.
«Biz aldaǵy ýaqytta da bul baǵdarlamaǵa qarjylaı qoldaý kórsetip, ilgerilete beremiz dep oılaımyn. Aldaǵy 3 jyldyń ishinde ІT-ındýstrııasyndaǵy eksport kólemin 1 mlrd dollarǵa deıin jetkizý syndy úlken mindet tur. Sondyqtan da osy baǵytta aýqymdy jumys júrgizilip jatyr. Astana habty qoldaýǵa arnalǵan jyldyq baǵdarlamaǵa mlrd teńgeden asatyn qarjy jumsalady. Al aldymyzda eksport kólemin mlrd dollarǵa jetkizý mindeti tur. Bul 450 ese kóp. Bıyl bul tapsyrmany merziminen buryn oryndaımyz», - dedi Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Qanysh Tóleýshın.
Іs-shara barysynda baǵdarlama aıasynda ІT bilimin jetildirgen Daıana Ahmetbekova ımmıgranttardy áleýmettik beıimdeý máselelerine arnalǵan jobasyn tanystyrdy.
«Meniń jobam ınnovatsııalyq sheshimderdi usynady. Qosymsha Qazaqstandaǵy mádenıet, bilim jáne jumys jaıly aqparattardy beredi. Til úırenýge járdemdesip, áleýmettik yqpaldasýǵa jol ashady», - dedi ol.
Bala kútimine baılanysty úıde otyrǵan jobanyń taǵy bir qatysýshysy Álııa Orazymbetova da 2 aılyq baǵdarlamany oqyǵannan keıin joba ázirlegen.
«Technowomen arqyly jobasy jaıly bildim. Bilimimdi tegin jeldirgennen keıin ІT-salasyndaǵy jobamdy dúnıege ákeldim. Elordada mektepke deıingi bastaǵy jetkinshiekter úshin IT-bala ІT-ortalyǵyn ashqym keledi», - dedi joba qatysshysy.
