Qazaq-qytaı iskerlik keńesinde quny $3,7 mlrd bolatyn 40 qujatqa qol qoıyldy
ASTANA. KAZINFORM — Búgin elordada Qazaqstan-Qytaı iskerlik keńesiniń jetinshi otyrysy ótip, onyń qorytyndysy boıynsha 40 qujat bekitildi.
«Іs-sharaǵa 500-den astam adam qatysty, onyń ishinde qytaılyq 50 iri kompanııa bar. Jalpy quny 3,7 mlrd AQSh dollarynan astam somada 40 qujatqa qol qoıyldy. Sonyń arasynda «Samuryq-Qazyna» kompanııalar toby qytaılyq seriktestermen 16 qujatty bekitti» delingen «Samuryq-Qazyna» qory málimetinde.
Onyń arasynda myna qujattar bar:
1. «Samuryq-Qazyna» AQ men Sany Renewables Energy arasyndaǵy JES komponentterin shyǵarý boıynsha kelisim;
2. «Samuryq-Qazyna» AQ men SANY Group arasyndaǵy yntymaqtastyq týraly kelisim;
3. «Samuryq-Qazyna» AQ men China Energy Overseas Investment Co., Ltd. arasyndaǵy ózara túsinistik týraly memorandým;
4. «Samuryq-Qazyna» AQ men CNPC arasyndaǵy negizgi kelisim;
5. QR Energetıka mınıstrligi men CNPC arasyndaǵy negizgi kelisim;
6. «QazMunaıGaz» men CNPC arasyndaǵy negizgi kelisim;
7. «QazMunaıGaz» AQ, Sinopec jáne SIBÝR arasyndaǵy «Sılleno» jobasyna qatysty qatysýshylar arasyndaǵy úsh jaqty hattama;
8. «QTJ» UK» AQ men CRRC arasynda 200 lokomotıv jetkizý týraly shart;
9. «Qazaqstan Temir Joly» AQ men «Lıanıýngan porty MK» JShQ arasyndaǵy Aqtaý porty bazasynda konteınerlik hab salý jobasyna ınvestıtsııa salý týraly kelisim;
10. «Samuryq-Energo» AQ men China International Water & Electric Corp (CWE) arasyndaǵy yntymaqtastyq týraly kelisim;
11. «KEGOC» AQ men China Energy International Group arasyndaǵy yntymaqtastyq týraly memorandým;
12. «Qazposhta» AQ jáne YTO Express birlesken kásipornynyń quryltaıshylyq sharty;
13. «Qazposhta» AQ men YM Trans (Guangzhou) International Forwarding arasynda birlesken kásiporyn qurý týraly kelisim;
14. «Qazposhta» AQ men China Communications Construction Co,. Ltd. arasyndaǵy elektrondyq kommertsııany damytý boıynsha yntymaqtastyq týraly memorandým;
15. «Samǵaý» ǵylymı-tehnologııalyq bastamalar ortalyǵy men China venture capital Asset Management Company Limited arasyndaǵy yntymaqtastyq týraly memorandým;
16. «KTZ Express» AQ, Xi'an Free Trade Port Construction and Operation Co ., Ltd. jáne «Slavtrans-Servıs» AQ arasynda Qytaı-Qazaqstan-Reseı baǵytynda biryńǵaı tsıfrlyq dáliz qurý týraly úshjaqty kelisim.
Budan buryn habarlanǵandaı, búgin elordada ótken Qazaqstan-Qytaı iskerlik keńesinde Premer-Mınıstrdiń birinshi orynbasary Roman Sklıar eki el arasynda taýar aınalymy qarqyndy ósip kele jatqanyn aıtty.
Qazaqstan men Qytaı Mańǵystaý oblysynda elektr stantsııasyn salýdy josparlap otyr.
